فیفا ورلڈ کپ فائنل: ٹرمپ اور شکیرا نے بھی دلچسپ پیشگوئیاں کر دیں

فیفا ورلڈ کپ 2026 کے فائنل سے قبل امریکا کے صدر ڈونلڈ ٹرمپ اور عالمی شہرت یافتہ گلوکارہ شکیرا نے اسپین اور ارجنٹینا کے درمیان ہونے والے سنسنی خیز مقابلے کے حوالے سے اپنی رائے کا اظہار کر دیا۔ امریکی صدر ڈونلڈ ٹرمپ نے دفاعی چیمپئن ارجنٹینا کے کپتان لیونل میسی کی بھرپور تعریف کرتے ہوئے کہا کہ ان کے ہوتے ہوئے ارجنٹینا کے خلاف پیشگوئی کرنا آسان نہیں۔ ٹرمپ نے انگلینڈ کے خلاف سیمی فائنل میں میسی کے شاندار اسسٹ کا حوالہ دیتے ہوئے کہا   کہ میسی کے خلاف شرط لگانا بہت مشکل ہے۔ میں نے ان کا وہ پاس دیکھا، وہ بالکل مکمل تھا۔ اگر گیند کے پہنچنے کی کوئی بہترین جگہ ہو سکتی تھی تو میسی نے اسے عین وہیں پہنچایا۔  🚨🎙️ Your prediction for the final? 🗣️ Donald Trump: "It's so hard to bet against Messi, I saw that pass… or maybe it can be called a decisive pass. It was absolutely perfect. And of course, his teammate also needs great talent to head the ball at that speed, but the pass… — MessiXtra (@MessiXtraHQ) July 19, 2026 انہوں نے مزید کہا کہ میسی نے پہلے بہترین انداز میں مدافع سے جان چھڑائی اور پھر نہایت مہارت سے ایسا پاس دیا جس نے میچ کا رخ بدل دیا۔ اسی لیے میں کہتا ہوں کہ میسی کے خلاف پیشگوئی کرنا آسان نہیں، وہ ایک عظیم کھلاڑی ہیں۔ دوسری جانب ورلڈ کپ کے آفیشل گانے کی گلوکارہ شکیرا نے اعتراف کیا کہ وہ فائنل میں کسی ایک ٹیم کی حمایت کا فیصلہ نہیں کر پا رہیں۔ انہوں نے کہا  کہ آخری بار جب اسپین ورلڈ کپ کے فائنل میں پہنچا تھا تو جنوبی افریقا میں ٹائٹل جیتا تھا۔ میرے بچے اسپین کی حمایت کر رہے ہیں، لیکن میں لیونل میسی کی دوست بھی ہوں اور فٹبال میں ان کی کامیابیوں پر فخر محسوس کرتی ہوں۔ 🚨🚨🎙️| Shakira on the Spain vs Argentina World Cup final: "The last time Spain reached a final was in South Africa… and they won it. "Who am I supporting? My kids are with Spain. I'm a friend of Lionel Messi and proud of everything he has achieved." pic.twitter.com/Mf8yuFmAEq — CentreGoals. (@centregoals) July 19, 2026 اسپین اور ارجنٹینا کے درمیان ورلڈ کپ فائنل سے قبل دنیا بھر کے شائقین کی نظریں نیویارک، نیو جرسی اسٹیڈیم پر مرکوز ہیں، جہاں فیصلہ ہوگا کہ آیا لیونل میسی ارجنٹینا کو مسلسل دوسری بار عالمی چیمپئن بنائیں گے یا اسپین 2010 کے بعد دوبارہ ورلڈ کپ ٹرافی اپنے نام کرے گا۔  

from The Express News https://ift.tt/7ATzjkO