نصیرآباد: انڈس ہائی وے پر باراتیوں کی کوسٹر حادثے کا شکار ہوگئی جب کہ 3 افراد جاں بحق ہوگئے۔
ایکسپریس نیوز کے مطابق نصیرآباد کے قریب انڈس ہائی وے پر باراتیوں کے کوسٹر حادثے کا شکار ہو گئی، حادثے میں 3 افراد جاں بحق ہو گئے جب کہ دولہا، دلہن سمیت 15 افراد زخمی ہوئے۔
حادثے میں جاں بحق ہونے والوں میں 24 سالہ نجیب علی، 30 سالہ جاوید علی اور 25 سالہ محمد شہریار شامل ہیں جب کہ زخمیوں میں دولہا صدورو، دلہن بصراں، بچی صائمہ، بچی طاہرہ، اختیار علی حمیر علی زبیر احمد، ذاکر علی، مزمل علی حسین، مدثر علی عبدالطیف ودیگر شامل ہیں۔
زخمیوں اور جاں بحق افراد کو نصیرآباد اسپتال لایا گیا اور فوری طبی امداد کے بعد لاڑکانہ منتقل کیا گیا۔ باراتیوں کا کوسٹر کراچی سے شادی کروا کر واپس لاڑکانہ کے قریب بنگل دیرو جارہا تھا کہ کوسٹر ڈرائیور کے کنٹرول سے نکل کر نصیرآباد کے قریب گاؤں چنھڑ کے قریب درخت سے ٹکرا گیا۔
The post انڈس ہائی وے پر باراتیوں کی کوسٹر کو حادثہ، 3 افراد جاں بحق appeared first on ایکسپریس اردو.
from ایکسپریس اردو https://ift.tt/48watHh