کراچی: منگھوپیر میں شوہر نے بھائیوں کے ساتھ مل کر غیرت کے نام پر بیوی کی ناک کاٹ دی ، پولیس نے خاتون کے والد کی مدعیت میں مقدمہ درج کر کے ملزم شوہر کو گرفتار کرلیا۔
اس حوالے سے مدعی مقدمہ نے پولیس کو بیان دیا ہے کہ بیٹی زاہدہ کے دیور نے فون کر کے اطلاع دی کہ تھی کہ ہم نے ایوب کا کام تمام کر دیا ہے اور تمھاری بیٹی کی ناک کارو کاری کے الزام میں کاٹ دی ہے۔
مدعی مقدمہ کے مطابق جب وہ فوری طور پر اپنی بیٹی کے گھر منگھوپیر گل آباد گوٹھ پہنچا تو بیٹی نے چادر سے اپنا چہرہ ڈھانپا ہوا تھا اور اس نے مجھے بتایا کہ میرے شوہر اسمٰعیل اور دیور لقمان نے مجھے پکر کر مار پیٹ کی اور تیسرے بھائی نے چھری سے میری ناک کاٹ دی۔
بیٹی کے مطابق سسرال والوں نے الزام عائد کیا کہ میرے ایوب کے ساتھ ناجائز تعلقات ہیں لیکن میں نے انھیں بتایا کہ میرا ایوب سے کوئی واسطہ نہیں ہے مگر انھوں نے میری بات نہیں سنی اور میری ناک کاٹ دی۔
مدعی مقدمہ کا کہنا تھا کہ اس دوران بیٹی کےدیور لقمان نے بیٹی کی کٹی ہوئی ناک کا حصہ کاغذ میں لپٹ کر دیا جس کے بعد وہ لوگ موقع سے فرار ہوگئے۔
پولیس نے مدعی کے بیان پر مقدمہ درج کر کے متاثرہ خاتون زاہدہ کے شوہر اسمٰعیل کو گرفتار کرلیا جبکہ دیگر ملزمان کی تلاش میں پولیس چھاپے مار رہی ہے۔
The post کراچی، شوہر نے بھائیوں کے ساتھ مل کرغیرت کے نام پر بیوی کی ناک کاٹ دی appeared first on ایکسپریس اردو.
from ایکسپریس اردو https://ift.tt/0XYCZvy