راولپنڈی: لاہور ہائیکورٹ کے حکم پر جیل بھرو تحریک کے تحت راولپنڈی سے گرفتاری دینے والے پی ٹی آئی کے رہنماؤں سمیت 47 کارکنان کو شاہ پور جیل سے رہا کردیا گیا۔
ایکسپریس نیوز کے مطابق عدالت کا تحریری حکم جاری ہونے کے بعد راولپنڈی سے گرفتاری دینے والے پی ٹی آئی رہنما فیاض الحسن چوہان اور زلفی بخاری سمیت 47 کارکنان کو شاہ پور جیل سے رہا کردیا گیا۔
اس موقع پر پی ٹی آئی کے کارکنان کی بڑی تعداد جیل کے باہر موجود تھی، جنہوں نے رہائی پانے والے رہنما اور کارکنان پر گل پاشی کی جبکہ عمران خان کے حق میں نعرے بازی بھی کی۔
مزید پڑھیں: جیل بھرو تحریک: پی ٹی آئی رہنماؤں اور کارکنان کو رہا کرنے کا تحریری حکم جاری
فیاض الحسن چوہان نے بھی رہائی پر عمران خان کے حق میں فلک شگاف نعرے بلند کیے جس پر کارکنان نے اُن کو بھرپور جواب دیا۔
زلفی بخاری شاہ پور جیل سے رہا#ExpressNews #PTI #ZulfiBukhari pic.twitter.com/w109ssL79J
— Express News (@ExpressNewsPK) March 3, 2023
قبل ازیں لاہور ہائیکورٹ نے پی ٹی آئی رہنما فواد چوہدری کی درخواست پر فیصلہ دیتے ہوئے پی ٹی آئی کے گرفتار رہنماؤں و کارکنان کو جیلوں سے رہا کرنے کا حکم دیا اور اس حوالے سے تحریری جکم نامہ بھی جاری کیا۔
واضح رہے کہ جیل بھرو تحریک کے تحت گرفتاری دینے والے کارکنان کو پنجاب کے دور دراز جیلوں میں منتقل کیا گیا تھا جس کے بعد انہیں ایم پی او کے تحت ایک ماہ کیلیے نظر بند بھی کیا گیا تھا۔
The post فیاض الحسن چوہان، زلفی بخاری سمیت پی ٹی آئی کے 47 کارکنان جیل سے رہا appeared first on ایکسپریس اردو.
from ایکسپریس اردو https://ift.tt/xKf4LFM