ممبئی: بالی وڈ اسٹار اداکار اکشے کمار نے اپنی فلاپ فلموں پر تعزیتی پیغامات ملنے کا انکشاف کیا ہے۔
اداکار نے اپنی نئی فلم ’کھیل کھیل میں‘ کے ٹریلر لانچ تقریب سے اظہار خیالات کرتے ہوئے کہا کہ وہ ابھی مرے نہیں ہیں اور وہ اس وقت تک کام کرتے رہیں گے جب تک انہیں مار نہیں دیا جاتا۔
اپنی فلموں کی مسلسل ناکامی پر اداکار کا کہنا تھا کہ جو ہوتا ہے اچھے کیلئے ہوتا ہے اور وہ فلموں کی ناکامی پر زیادہ نہیں سوچتے۔
اکشے کمار نے کہا کہ کچھ صحافیوں نے لکھا کہ وہ واپس آئیں گے تو انہوں نے ان صحافیوں کو فون کیا اور کہا ’بھائی تو یہ کیوں لکھ رہا ہے کہ میں واپس آؤں گا، میں گیا کہاں ہوں؟‘۔
یہ بھی پڑھیں : اکشے کمار اور ارشد وارثی کی کامیڈی فلم ’جولی ایل ایل بی 3‘ کب ریلیز ہوگی؟
اداکار نے کہا کہ لوگ کچھ بھی کہیں وہ کام کرتے رہیں گے کیوں وہ جو بھی کماتے ہیں اپنے دم پر کماتے ہیں اور انہوں نے کبھی کسی سے کچھ نہیں مانگا۔
یاد رہے کہ اکشے کمار کی نئی فلم ’کھیل کھیل میں‘ 15 اگست کو ریلیز ہوگی اور اس میں تاپسی پنوں، وانی کپور، ایمی ورک اور فردین خان بھی شامل ہیں۔
The post ’ابے مرا نہیں ہوں‘، اکشے کمار کا فلاپ فلموں پر تعزیتی پیغامات ملنے کا انکشاف appeared first on ایکسپریس اردو.
from ایکسپریس اردو https://ift.tt/KZ2mn1J