کراچی: کورنگی میں قتل ہونے والے نوجوان کا قاتل دوست نکلا، قاتل دوستوں نے دوست کو قتل کرکے شادی کی خوشیوں کو ماتم میں بدل دیا۔
تفصیلات کے مطابق عوامی کالونی کے علاقے کورنگی دارالعلوم کے قریب سے جمعہ کی شب ملنے والی لاش کی شناخت اسامہ جاوید کے نام سے ہوئی تھی، عوامی کالونی پولیس نے مقتول اسامہ جاوید کے قتل کا مقدمہ اس کے والد محمد جاوید کی رپورٹ درج کرلیا۔
مقتول کے والد جاوید کا کہنا تھا کہ اتوار کے روز مقتول کی مائیوں کی تقریب منعقد تھی کہ اس ہی روز اس کا جنازہ اٹھایا، مقتول کے والد محمد جاوید نے بتایا کہ بعد میں پتہ چلا کہ اسامہ کو اس کا دوست طلحہ گھر سے لے کر گیا تھا جس کے بعد الگے روز اس کی لاش ملی۔
پولیس نے قتل میں دودوست طلحہ ،عباد اور کرائے کے قاتل راحیل کو گرفتار کرکے واردات میں استعمال ہونے والی گاڑی برآمد کر لی۔ گاڑی سے مقتول کا خون اور گولیوں کے خول بھی ملے ہیں۔
پولیس نے دعویٰ کیاہےاجرتی قاتل راحیل نے فائرنگ کی اور مقتول کی لاش کوٹھکانے لگایا، مقتول کے دوست طلحہ اور عباد نے راحیل کو پیسے کر پلان میں شامل کیا تھا۔
ایس ایس پی کورنگی حسن سردار کا کہنا ہے کہ واقعے میں ملوث گرفتار تینوں ملزمان کے خلاف جلد عدالت میں چالان پیش کیا جائےگا ۔ مقتول اسامہ کورنگی ڈیڑھ نمبر کا رہائشی اور تین بہن بھائیوں میں سب سے بڑا اور بے روزگار تھا۔
The post کورنگی میں قتل ہونے والے نوجوان کا قاتل دوست نکلا appeared first on ایکسپریس اردو.
from ایکسپریس اردو https://ift.tt/UsZPnjI