بالی ووڈ کے سینئر اداکار نانا پاٹیکر کی فلم کی شوٹنگ کے دوران تھپڑ کھانے والے مداح کا بیان سامنے آگیا۔
گزشتہ دنوں نانا پاٹیکر کی ایک ویڈیو وائرل ہوئی تھی جس میں وہ ایک مصروف سڑک پر اپنی فلم کی شوٹنگ میں مصروف تھے، اُسی دوران ایک نوجوان مداح اداکار کے قریب آتا ہے اور سیلفی لینے کی کوشش کرتا ہے جس پر نانا پاٹیکر مداح کو زور دار تھپڑ مار دیتے ہیں۔
#WATCH | वाराणसी में फिल्म जर्नी की शूटिंग कर रहे नाना पाटेकर का फैन को थप्पड़ मारते हुए वीडियो वायरल हो गया। फैन नाना पाटेकर संग सेल्फी लेने पहुंचा तो अभिनेता ने गुस्से में उसके सिर पर थप्पड़ मारा। फिल्म की यूनिट के सदस्य ने लड़के की गर्दन पकड़कर भगाया। pic.twitter.com/oU2WrY2Bv1
— Hindustan (@Live_Hindustan) November 15, 2023
نانا پاٹیکر کی یہ ویڈیو جیسے ہی سوشل میڈیا پر وائرل ہوئی تو صارفین نے اُنہیں شدید تنقید کا نشانہ بنایا جس کے بعد اداکار نے اپنے مداحوں سے ہاتھ جوڑ کر معافی مانگتے ہوئے کہا تھا کہ اُن کی فلم کا ایک سین تھا جس میں اُنہیں ایک نوجوان کو تھپڑ مارنا تھا۔
اداکار کا کہنا تھا کہ اُنہوں نے اُس نوجوان مداح کو اپنی ٹیم کا رُکن سمجھا تھا اور فلم کا سین سمجھ کر اُسے تھپڑ مار دیا تھا۔
#WATCH | On a viral showing him slapping a boy for taking a selfie with him, actor Nana Patekar says, “A video is going viral where I have hit a boy. Though this sequence is a part of our film, we had one rehearsal…We were scheduled to have a second rehearsal. The director told… pic.twitter.com/CVgCainRg1
— ANI (@ANI) November 16, 2023
نانا پاٹیکر کی اس معافی کے بعد اب اُس نوجوان مداح کا بھی بیان سامنے آگیا ہے، بھارتی میڈیا کے مطابق مداح نے کہا کہ “میں اپنے گھر میں موجود تھا جب مجھے پتا چلا کہ باہر فلم کی شوٹنگ ہورہی ہے”۔
نوجوان لڑکے نے بھارتی میڈیا کو بتایا کہ “میں شوٹنگ دیکھنے کے لیے باہر آیا تو میں نے دیکھا کہ سامنے نانا پاٹیکر ہیں، میں سیلفی کے لیے اُن کے پاس گیا لیکن اُنہوں نے میرے ساتھ سیلفی لینے کے بجائے مجھے تھپڑ مار کر وہاں سے بھگا دیا”۔
لڑکے نے نانا پاٹیکر کے بیان کی تردید کرتے ہوئے کہا کہ “اداکار کا مجھے تھپڑ مارنا اُن کی فلم کا حصہ نہیں تھا، نانا پاٹیکر جھوٹ بول رہے ہیں، اُنہوں نے مجھے جان بوجھ کر تھپڑ مارا”۔
واضح رہے کہ بھارتی میڈیا کے مطابق فلم ‘دی ویکسین وار” کے بعد نانا پاٹیکر اپنی اگلی فلم کی شوٹنگ میں مصروف ہیں اور اسی شوٹنگ کے دوران مداح کو تھپڑ مارنے کا واقعہ پیش آیا۔
The post “نانا پاٹیکر جھوٹ بول رہے ہیں”؛ تھپڑ کھانے والے مداح کا بیان آگیا appeared first on ایکسپریس اردو.
from ایکسپریس اردو https://ift.tt/cliRzBY