کراچی: عالمی شہرت یافتہ ترکش سیریز ‘کورولش عثمان’ میں مرکزی کردار ادا کرنے والے تُرک اداکار بوراک اوزچیوت پاکستان پہنچ گئے ہیں، اُن کی تصویر اور ویڈیو سوشل میڈیا پر وائرل ہورہی ہے۔
تُرک اداکار بوراک اوزچیوت نے اپنے پاکستانی مداحوں کو خوشخبری دینے کے لیے فوٹو اینڈ ویڈیو شیئرنگ ایپ انسٹاگرام کا رُخ کیا جہاں اُنہوں نے اپنی تصویر کے ذریعے پاکستان آمد کی اطلاع دی۔
بوراک اوزچیوت نے اپنی انسٹاگرام اسٹوری میں تصویر شیئر کی جس میں وہ سیاہ رنگ کی ٹی شرٹ میں ملبوس ہیں جبکہ تُرک اداکار نے اپنی اسٹوری میں کراچی پاکستان کا ہیش ٹیگ بھی استعمال کیا۔
تُرک اداکار کے کراچی پہنچنے کی ایک ویڈیو بھی سوشل میڈیا پر وائرل ہورہی ہے، جسے دیکھ کر اُن کے پاکستانی مداح کافی پُرجوش ہورہے ہیں۔
واضح رہے کہ گزشتہ دونوں بوراک نے بتایا تھا کہ ‘وہ رواں ماہ 7 اکتوبر کو پاکستان آرہے ہیں’۔
مزید پڑھیں: ’کورولش عثمان‘ پاکستان کیوں آرہے ہیں؟ وجہ سامنے آگئی
اداکار نے پاکستان آنے کی وجہ بتاتے ہوئے کہا تھا کہ ‘وہ پاکستانی نجی پرفیوم برانڈ کے برانڈ ایمبیسڈر کی حیثیت سے پرفیوم کی لانچ پر پاکستان آئیں گے’۔
دوسری جانب ‘کورولش عثمان’ کے مداحوں کی انتظار کی گھڑیاں ختم ہوگئی ہیں کیونکہ اس ترک سیریز کے 5 ویں سیزن کا آغاز بھی ہوگیا ہے۔
The post ‘کورولوش عثمان’ کی کراچی پہنچتے ہی تصویر وائرل appeared first on ایکسپریس اردو.
from ایکسپریس اردو https://ift.tt/yAZCuW2