پاکستان کو ڈی آر ایس کے خراب سسٹم کیوجہ سے شکست ہوئی، ہربھجن سنگھ

  کراچی: بھارتی کرکٹ ٹیم کے سابق کھلاڑی ہربھجن سنگھ نے جنوبی افریقا کیخلاف پاکستان کی شکست کیوجہ ڈی آر ایس سسٹم کو قرار دے دیا۔

سابق بھارتی کھلاڑی ہربھجن سنگھ نے ڈی آر ایس سسٹم اور ناقص امپائرنگ پر کھل کر تنقید کرتے ہوئے اسے پاکستان کی شکست کی وجہ قرار دیا۔

انہوں نے پاکستان اور جنوبی افریقا کے درمیان ہونے والے ورلڈکپ کے 26ویں سنسنی خیز مقابلے کے اختتام پر لکھا کہ ’بری امپائرنگ اور خراب قوانین کی وجہ سے پاکستان کو شکست ہوئی، آئی سی سی کو یہ قوانین تبدیل کرنا چاہیں‘۔

مزید پڑھیں: ورلڈکپ؛ جنوبی افریقا نے سنسی خیز مقابلے کے بعد پاکستان کو شکست دیدی

انہوں نے کہا کہ ’اگر گیند وکٹ پر لگ رہی تھی تو اس سے فرق نہیں پڑتا کہ امپائر نے کیا فیصلہ دیا ہے، اگر ایسا ہے تو پھر ٹیکنالوجی کا کیا فائدہ؟

واضح رہے کہ 46ویں اوورز میں حارث رؤف کی گیند پر افریقی کھلاڑی تبریز ایل بی ڈبلیو ہوئے، جسے آن فیلڈ امپائر نے ناٹ آؤٹ قرار دیا تاہم پاکستان کے ری ویو لینے پر معلوم ہوا کہ گیند سیدھی وکٹ پر لگ رہی تھی مگر تھرڈ امپائر نے آن فیلڈ امپائر کے فیصلے کو برقرار رکھا اور تبریز شمسی کو ناٹ آؤٹ قرار دیا۔

یہ بھی پڑھیں: ورلڈکپ : بابر اعظم نے جنوبی افریقا سے شکست کی وجہ بتا دی

اگر چھالیسویں اوور میں تبریز شمسی کو آؤٹ قرار دے دیا جاتا تو پاکستان میچ میں فتح حاصل کرلیتا۔

The post پاکستان کو ڈی آر ایس کے خراب سسٹم کیوجہ سے شکست ہوئی، ہربھجن سنگھ appeared first on ایکسپریس اردو.

from ایکسپریس اردو https://ift.tt/ygQMl3C