ممبئی: بالی ووڈ اسٹار اور سابق مس ورلڈ سشمیتا سین کا کہنا ہے کہ انہیں دل کا شدید دورہ پڑا تھا اور ان کے دل کی ایک اہم شریان 95 فیصد بند تھی۔
بھارتی اداکارہ سشمیتا سین نے حال ہی میں انکشاف کیا تھا کہ انہیں گزشتہ دنوں دل کا دورہ پڑا تھا جس کے بعد انہیں فوری اسپتال منتقل کیا گیا جہاں وہ کئی دِنوں ڈاکٹرز کی نگرانی میں رہیں۔
صحتیابی کے بعد سشمیتا سین نے پیغامات کے زریعے نیک خواہشات کا اظہار کرنے والے مداحوں کا شکریہ ادا کرنے کیلئے انسٹاگرام پر لائیو سیشن میں رکھا جہاں انہوں نے مداحوں سے گفتگو کی۔
لائیو سیشن میں اداکارہ نے انکشاف کیا کہ ان کے دل کی ایک اہم شریان 95 فیصد بند تھی اور اس وجہ سے ان کی سرجری بھی ہوئی۔
مداحوں سے گفتگو کے دوران سشمیتا سین نے سوشل میڈیا پر ہونے والی جِم جانے کی وجہ سے دل کا دورہ پڑنے سے متعلق بحث پر تبصرہ کرتے ہوئے کہا کہ ’آپ میں سے اکثر لوگ جم جانا چھوڑ دیں اور کہیں گے کہ دیکھا اسے جم جانے کا کوئی فائدہ نہیں ہوا۔ مگر یہ غلط ہے مجھے جِم جانے سے بہت فائدہ ہوا ہے میں ایک بہت بڑے دل کے دورے سے زندہ بچی ہوں۔‘
اداکارہ کا کہنا تھا کہ انہیں بہت شدید دل کا دورہ پڑا تھا اور ان کے ایکٹو لائف اسٹائل کی وجہ سے وہ بچ گئیں ہیں۔
اداکارہ نے بتایا کہ اب وہ صحتیاب ہیں اور ڈاکٹرز کی اجازت کے بعد وہ اپنی ویب سیریز ’آریا‘ کی شوٹنگ مکمل کرنے کے لیے جے پور کا سفر کریں گی اور فلم تالی کی ڈبنگ پر بھی کام شروع کریں گی۔
یاد رہے کہ سشمیتا سین نے گزشتہ ہفتے مداحوں کو یہ خبر دی تھی کہ انہیں دل کا دورہ پڑا تھا ان کی انجیو پلاسٹی ہوئی ہے اور سٹنٹ ڈالا گیا ہے۔
The post دل کا دورہ شدید تھا، جِم جانے کی وجہ سے جان بچ گئی، سشمیتا سین appeared first on ایکسپریس اردو.
from ایکسپریس اردو https://ift.tt/h1D7EvH